జహీరాబాద్: హిందూ సమాజాన్ని చైతన్యవంతం చేసే లక్ష్యంతో జహీరాబాద్ పట్టణంలోని శాంతినగర్ బస్తీలో రేపు (ఆదివారం) భారీ ‘హిందూ సమ్మేళనం’ నిర్వహించనున్నారు. రాష్ట్రీయ స్వయంసేవక్ సంఘ్ (ఆర్.ఎస్.ఎస్) వంద సంవత్సరాల ప్రయాణాన్ని పురస్కరించుకుని హిందూ బంధువులందరినీ ఏకం చేసే ఉద్దేశంతో ఈ కార్యక్రమాన్ని ఏర్పాటు చేశారు.
కార్యక్రమ వివరాలు:
- తేదీ: ఏప్రిల్ 19, 2026 (ఆదివారం)
- సమయం: సాయంత్రం 5:00 గంటలకు
- వేదిక: శ్రీ హనుమాన్ దేవాలయం, శాంతినగర్, ఎక్సెల్లి.
ఆధ్యాత్మిక వేడుకలు: సమ్మేళనంలో భాగంగా సామూహిక హనుమాన్ చాలీసా పఠనం మరియు భగవద్గీత పారాయణం నిర్వహించనున్నారు. కులాలు, ప్రాంతాలు వేరైనా మనమంతా ఒక్కటే అనే భావనతో హిందూ ధర్మాన్ని, సంస్కృతిని కాపాడుకోవాలని నిర్వాహకులు కోరుతున్నారు.
ముఖ్య అతిథులు: ఈ కార్యక్రమానికి బర్దిపూర్ ఆశ్రమ పీఠాధిపతులు శ్రీశ్రీశ్రీ 1008 మహా మండలేశ్వర్ డాక్టర్ సిద్ధేశ్వరానంద గిరి మహారాజ్, మరియు శేషాద్రి మఠం పీఠాధిపతులు శ్రీశ్రీశ్రీ సిద్ధేశ్వరరాజాంబా శివయోగి శివాచార్య స్వామి వారు విచ్చేసి భక్తులకు అనుగ్రహ భాషణం చేయనున్నారు. ప్రధాన వక్తగా విహెచ్‌పి ప్రాంత సత్సంగ ప్రముఖ్ శ్రీ మర్పల్లి రాంరెడ్డి గారు పాల్గొని ప్రసంగిస్తారు.
భక్తులకు విజ్ఞప్తి: ఈ సమ్మేళనానికి హిందూ బంధువులందరూ కుటుంబ సమేతంగా విచ్చేసి జయప్రదం చేయాలని హిందూ సమ్మేళన ఉత్సవ సమితి కోరింది. కార్యక్రమం అనంతరం భక్తులకు అన్నప్రసాద వితరణ ఉంటుందని నిర్వాహకులు తెలిపారు.
