శ్రీ నల్ల పోచమ్మ దేవాలయంలో ఘనంగా పరాభవ నామ సంవత్సర ఉగాది వేడుకలు – భక్తులకు షడ్రుచుల పచ్చడి వితరణ

శ్రీ నల్ల పోచమ్మ దేవాలయంలో ఘనంగా పరాభవ నామ సంవత్సర ఉగాది వేడుకలు - భక్తులకు షడ్రుచుల పచ్చడి వితరణ

G Narsimulu
Highlights
  • శ్రీ నల్ల పోచమ్మ దేవాలయంలో ఘనంగా పరాభవ నామ సంవత్సర ఉగాది వేడుకలు - భక్తులకు షడ్రుచుల పచ్చడి వితరణ

శ్రీ పరాభవ నామ నూతన సంవత్సర ఉగాది పండుగను పురస్కరించుకుని ఈరోజు క్షేత్రంలోని శ్రీ నల్ల పోచమ్మ దేవాలయంలో వేడుకలు అత్యంత వైభవంగా నిర్వహించబడ్డాయి. నూతన సంవత్సర ప్రారంభం సందర్భంగా అమ్మవారికి ప్రత్యేక అభిషేకాలు, విశేష అలంకరణలు మరియు అర్చనలు శాస్త్రోక్తంగా జరిగాయి. ఉగాది పండుగ విశిష్టతను చాటుతూ తీపి, పులుపు, కారం, ఉప్పు, వగరు మరియు చేదు వంటి ఆరు రుచుల సమ్మేళనంతో కూడిన షడ్రుచుల ఉగాది పచ్చడిని ఆలయ అర్చకులు భక్తిశ్రద్ధలతో సిద్ధం చేశారు. అనంతరం దర్శనానికి విచ్చేసిన భక్తులందరికీ ఈ పచ్చడిని తీర్థ ప్రసాదంగా వితరణ చేయడం జరిగింది. జీవితంలోని సుఖదుఃఖాలను సమానంగా స్వీకరించాలనే సందేశాన్ని ఈ పచ్చడి ప్రసాదం ద్వారా భక్తులకు తెలియజేశారు. తెల్లవారుజాము నుండే భక్తులు పెద్ద సంఖ్యలో తరలివచ్చి అమ్మవారిని దర్శించుకుని నూతన సంవత్సర ఆశీస్సులు పొందారు. ఆలయ ప్రాంగణమంతా భక్తుల రాకతో మరియు మంగళవాయిద్యాలతో ఆధ్యాత్మిక వాతావరణం నెలకొంది. ఈ కార్యక్రమంలో ఆలయ కమిటీ సభ్యులు, అర్చకులు మరియు భక్తులు పాల్గొని అమ్మవారి కృపకు పాత్రులయ్యారు. ఓం శ్రీమాత్రే నమః.

Share This Article
20 Comments